Agencia IP.– 2.758 tapicha oikéta jasy octubre-pe Programa de Pensión para Adultos Mayores-pe, ha upéicha ojehupytýma 378.204, oikuaaka kuri Desarrollo Social motenondehára, Tadeo Rojas.
Rojas oikuaaka avei pe presupuesto ko programa rehegua og̃uahẽma hu’ãme ko arýpe g̃uarã, ha umi oike ramóva ojejapo oĩ ramo omanóva, renuncia, bloqueo de cuenta ha ambue.
Upéicha, octubre-pe oikéta 1.256 tapicha ombotýva 68 ary 24 de septiembre peve. Avei, oikéta 465 tapicha orekóva 69 ary guive ojerureva’ekue oike hag̃ua ko programa-pe.
Avei, oikéta 190 ñane ypykuéra, 154 tapicha ikatupyrýva he’iháicha Senadis, ha 95 tapicha oúva ambue tetãgui okumplíva umi requisito oñeikotevẽva. 567 tapicha oikéta expediente rupi ha 31 okobráta pago reactivo.
Rojas oikuaaka ko arýpe ojeipota oikepa umi tapicha ombotýva 68 ary. Ary oúvape, presupuesto pyahu rupi, oñeha’arõ oike umi oguerekóva 67 ha 66 ary.
