Nde rehenói ramo 911-pe ikatu eipysyrõ nde tapichápe. Ko’ã ha’e umi mba’e oiko mboyve peteĩ femicidio, ojejapo va’ekue 270 káso oikóva ñane retãme rupi. Tuicha mba’e roipytyvõ aravópe.
Pe kuatia ojejapóva he’i umi kuñanguéra ohóva omombe’u polisíape ha ambue tendotápe heta mba’e vai kuimba’e ojapo hesekuéra (manterei oporandu moõpa oĩ hikuái, ojerure videollamada, ohechase icelular, oma’ẽse hetére ha ojerure vai ani ojapo mba’eve).
Upéicha, pe mokõiha denuncia ojejapóva ojehecháma hetave mbaretejeporu, ho’u káña térã pohã vai. Omohu’ã pe relación orekóva hikuái ha oñepyrũma ambue ndive.
Upéi, orekóma antecedente kuña oĩva kuri mboyve ndive, otrata vai chupe, omonda, ojuka, térã ambue mba’evai’apo.
Umi mba’e ivaivéa oikóva ha’e umi kuimba’ekuéra ndoipotáiva opa pe relación, térã nomomba’éi orden de alejamiento. Avei, umi kuimba’e ikatúma oreko arma de fuego, kyse ha ambue. Ipahápe he’ima ojukataha chupe.
Ko marandu ojekuaauka apopyrã “Estrategia Integral para la Protección de la Familia” rupi Tetã Rekuái rehegua. Omba’apo oñondive Tetãpy Motenondeha (MI); Primera Dama; Kuñanguéra Ykeko Motenondeha (MM); Tesãi ha Teko Porãve Motenondeha (Mspbs); Mitã, Mitãkuña ha Mitãrusu Motenondeha (Minna), Karia’y ha Kuñataĩ Ykeko Sãmbyhyha (SNJ), Marandu ha Iñemoasãi Motenondeha (Mitic), Tahachi Tetãygua (PN) ha ambue.
