Mba’apoharakuéra Centro Yerbatero Paraguayo rehegua, ha motenondehára Eduardo Oswald oho oñondive feria Foodservice-pe, pe ituichavéva Chile-pe tembi’u rehegua. Upéicha, ojejapo kuri peteĩ aty ojehechauka hag̃ua Paraguái jérva ha kosído.
Ko aty héra ha’e “Descubriendo el sabor auténtico de la Yerba Mate”, ha ojejapo kuri embajador Paraguáigua Chile-pe, Antonio Rivas hógape.
Ko tenda tuicha mba’e Centro Yerbatero Paraguayo-pe g̃uarã, ojapóma kuri ambue misión comercial, ha’eháicha pe oñemotenondéva febrero ko arýpe Emiratos Árabes-pe, péva feria Gulfood 2024-pe.
Pe jérva apopyre kosído-pe g̃uarã ome’ẽ tembiapo heta ogayguakuérape ñane retãme. Centro Yerbatero Paraguayo he’i kuri ko rúbrope, 45 millón de kílo jérvagui omomba’apo 55.000 ogayguakuérape Paraguáipe.
