Agencia IP.- Peteĩha «Buque Hospitalario Hidrográfico» Armada Paraguaya rehegua, oñepyrũta oñangareko umi tavaguasu ysyry rembe’ýre, he’iháicha ko árape Mburuvichavetẽ Santiago Peña, ojoajúva ogueromandu’ávo Armada Paraguaya Ára.
Ojejapo kuri peteĩ ysyry jere ko várko ojehechauka jave. Ymaite guive Mburuvichavetẽ kuéra oipuru kuri hikuái, ha ko’ãga orekóma opavave equipamiento oñeñangareko hag̃ua tavayguárakuéragui.
Peña he’i kuri ambue jave Mburuvichavetẽkuéra oipuruva’ekue pe várko oipytu’u hag̃ua hikuái, térã ko’ãga péva nombohováiri tekotevẽ orekóva ñane retã ko’ã árape. Péva rehe ojerure kuri Ministerio de Defensa-pe omoambue hag̃ua várko hospitalario-pe Ministerio de Salud ndive.
Várko hospitalario oñemongaraíva «Capitán Carlos Cubas», omomba’eguasúvo tembiapo ojapóva oficial de marina pe várkogui, omba’apo jave moakãháraicha Material Naval y Astilleros Paraguáigua, ary 1981 guive 1989 peve. Mburuvichavetẽ omomba’eguasu «oĩtáma servicio umi avarekoha ysyry rembe’ýrepe g̃uarã». Oikuaauka pe hembiaporã peteĩ oikóta Alto Paraguay-pe, oiko asýva séka ipukúva rupi.
Upépe oĩta odontología, clínica médica, ecocardiografía, oftalmología, pediatría, electrocardiograma, traumatología, ginecología, dermatología, enfermería, laboratorio ha vacunación.
Mburuvichavetẽ ome’ẽ hiaguyje Fundación Stella Maris-pe, oipytyvõva equipamiento-ndi, ha avei Fundación Médicos Promo 83, oipytyvõva manterei opaichagua mba’épe, ha upéva oike jey ko apopyrãpe.
«Roipota heta servicio médico og̃uahẽ umi avarekoha oikóva mombyryvévape ñane retãme, ha ko ñeha’ã oñondivepa rupive ikatúta roñangareko porãve. Upévare ame’ẽse aguyje mayma tapicha oipytyvõva ko guerova tuichaitereíva», ombojoapy Peña.
Ipahápe, Mburuvichavetẽ omoañete iñe’ẽme’ẽ omba’apo ojeiporu porãve hag̃ua recurso estatal oñeipytyvõ hag̃ua umi oikotevẽvévape.
