Mba’épa he’i pe Léi pensión de adulto mayor rehegua, oñembohasapyre kuri Senado-pe
25 de julio de 2024
Asunción, Agencia IP.- Cámara de Senadores ombohasapyre kuri kuehe peteĩ Léi oguerova hag̃ua ambue mba’e pe programa de pensión alimentaria adulto mayor-pe g̃uarã. Oñeliminase pe censo, ha avei umi ñande ypykuéra ha tapicha oguerekóva discapacidad ikatu oike mboyve.
Umi senador kuéra ombojojase 4 Léi ambue sector ohechaukáva, ha ojapo hikuái chugui peteĩnte, hérava «Que establece el derecho a la pensión universal y otros beneficios para las personas mayores». Ko’ãgã, ohasáma Cámara de Diputados-pe ojehecha hag̃ua.
Umi guerova ojejaposéva ha’e pe inscripción automática, ikatu hag̃uaicha ndojejapovéima pe censo. He’i avei oñemoingetante 60 ára rire peve umi tapicha kuéra ombotýva pe edad mínima. Upéicha, oñeipytyvõ porãveta umi adulto mayor oikotevẽvéva.
Pe edad mínima ojeike hag̃ua ko programa-pe ha’e 65 ary, térã umi itujavéva oñembohape tenonde gotyo. Umi ñande ypykuéra katu ikatúma oike 55 ary guive, ha umi tapichakuéra orekóva discapacidad ikatu oike 60 ary guive.
Umi senador kuéra he’i ojehejánte arã umi mba’e ojejeruréva, ha’éva ani okobra sector público térã privado-pe, ndorekói arã impuesto a la renta personal, ndokobrái arã hetave 2 salario mínimo, ha ani oreko hikuái hetave 30 vaka.
Pe viru oñeme’ẽva ha’e 25% salario mínimo-gua, ha ojupive káda vez ojupi ohóvo.
Upéicha, Tetã Rekuái omoĩseve hetave tapichakuéra ko programa-pe. Oñeimo’ã 30.000 adulto mayor oike ramóta hína ko Léi rupi
