Doña Digna López Vda. de Narvaja, ha’e peteĩ omoha’angáva “Tesoro Nacional Vivo” ha “Maestras Artesanas tejedoras del Auténtico Ao Po’i”, ombyekovia Yataitpe, tetã vore Guairá. Doña Digna ojerekupera porã oike haguére ñembovoguipe ko ararundy ohasáva, tasyo Trauma-pe.
Ore Maestra Artesana ha Tesoro Nacional Vivo oreko 97 ary ha omopẽ’akue itumby ko jasy oñepyru haguére. Ojeinterveni quirúrgicamente ha oikotevẽ peteĩ tete pehẽ ñemyarytõ, ome’ẽva’akue chupe tasyo Trauma-pe, ombojoajúva Tesãi ha Teko Porãve Motenondeha.
Tesãi ha Teko Porãve Motenondeha (MSPBS) ha Tembiporu Marandu ha Iñemoasãirã (MITIC) omba’apo oñondive ikatu haguãicha ojapysaka pya’e chupe, ojehechakuaa ijary, ikatúva ombohasy chupe.
Doña Digna memby kuimba’e, Nelson Narvaja, omomorã pe jehechakuaa ojejapóva isy mba’apo, ha he’i ojeñangareko porãiterei isýpe.
“Che sy osẽ ñembovogui ha ojerekupera, aguyjeme’ẽ umi mba’e ojejapópa hese, umi orepytyvõva ko sapy’a asýva,”, he’i Nelson Nervaja.
Ao po’í: Mandyju mono’õ pyaha jejapo peve
Ñane retãme oĩ sa’i ojapóva ao po’i, ojejapóva po rupive. Ko rembiapo oñepyrũ mandyju mono’õ guive, oñemopotĩ arã ha omopererĩ ybyraoa terã arcondi, ha upeáre osẽ inimbo mandyju rejegua, he’íva Paraguái Rembiapojegua róga redes sociales-pe. Ko’ã ojejapopáva guive, oñemoĩ inimbo telar rústico-pe ojejaporã Ao Po’i.
Tetã Rekuái jehechakuaa
Doña Digna López Vda. De Narvaja ojehechakuaa Tetã Rekuái rupi irembiapore ha ome’ẽva arandupy ha jepokuaa Paraguáime.
Jasyporundy 2019-pe oñeme’ẽ Medalla al Mérito “Maestro Artesano” chupe ha ambue 14 mbo’ehára kuéra momba’eguasuva, oĩva ambue táva ñane retãme.
Jasypokõi 2021-pe ojapyhypyre “Tesoro Nacional Vivo”, ome’ẽva Tetã Arandupy Sãmbyhyha, umi mba’e Ña Digna oikuaáva apo reko arandu ymaguare rehegua, ha imba’apo jejapopy ao po’i, Patrimonio Cultural Inmaterial Paraguáigua.
Jasypateĩ 2022-pe, Congreso Paraguáigua ome’ẽ chupe jeikove repy irembiapo rupi.
