Asunción, Agencia IP.- Ko árape, lunes 24-pe, oñepyru okobra umi veterano Guerra del Chakoguáva, adulto mayor ha ambue pensionado Estado-guáva jasy agosto-re, oikuaaka kuri Ministerio de Economía y Finanzas (MEF).
Upéicha, okobráta 5.720 tapicha, mokõi ha’e veterano Guerra del Chakoguáva, 2.025 viúda veterano-guáva, 268 pensionado graciable, 1.521 veterano heredéro ha’éva tapicha ikatupyrýva, 439 veterano heredéra ha’éva soltera, he’i kuri Dirección General de Pensiones No Contributivas (DGPNC) odependéva Gerencia de Gestión Administrativa del Estado del Viceministerio de Administración Financiera MEF-guáva.
Avei okobráta 136 sy ha túa ha’éva heredéro tahachi omanóva acto de servicio-pe, 51 heredéro ména térã tembireko tahachígui omanóva acto de servicio-pe, 54 memby térã ra’y michĩva tahachígui omanóva acto de servicio-pe, 122 militar sy térã túva omanóva acto de servicio-pe, 43 heredéro ména térã tembireko militar omanóva acto de servicio-pe, 45 memby térã ra’y michĩva militar omanóva acto de servicio-pe, ha 1.014 okobrára componente no contributivo rupi, ha’éva mbo’eharakuéra institución privada rehegua.
Upéicha, ko árape okobráta hetave 375.000 tapicha oikéva Programa de Pensión Alimentaria para Adultos Mayores, omotenondéva Ministerio de Desarrollo Social (MDS). Kóva, Estado-pe ohupyty hína ₲ 250.000 millón.
