Agencia IP.- Umi mba’apohára Ministerio del Ambiente y Desarrollo Sostenible-gua (Mades) omba’apo Prefectura Naval ndive oipe’a hag̃ua tembiporu ojeipurúva ojepesca hag̃ua ysyry Paraguái ha Paranápe.
Ko tembiapo ojejapo kuri oñemoañete hag̃ua véda, ikatu hag̃uaicha oñeñangarekove umi pira ha ambue.
Ysyry Tebicuarýpe katu ojeipe’a kuri 250 métro espinel Centucué hendaha, hakatu Puente Remanso-pe ha kilómetro 13 guive 20 peve ysyry Paraguáipe, ojeipe’a kuri 600 métro.
Umi ysyry Paranápe ha riácho Paranamípe katu ojeipe’a 2000 métro espinel, 800 métro red monofilamento rehegua ha 100 métro espinel flotante.
Péicha avei, zona Puerto Rosario río Paraguáipe, ruta Mbopy Kua guive Puerto Celia peve, umi mba’apohára oipe’a 500 métro rupi espinel orekóva opaichagua anzuelo.
