Tesãi ha Teko Porãve Motenondeha (Mspbs) oikuaaka mba’éicha ara haku ohasáva 36°C ikatu ojapo vai nde tesãire, ikatu hag̃uaicha oñembohovái mba’asykuérare, ha jepe ojejoko omanóva ára hakuetereígui:
- Rey’uve va’erã y, ani reha’arõ reiko y’uhéi.
- Ani resẽ okápe hakueterei ramo, 10:00 aravo guive 17:00 aravo peve. Ikatu ojapo vai nde rehe.
- Resẽta ramo okápe, eipuru arã protector solar, akã ao ha lente kuarahyrã.
- Re’uve arã ka’avo ha yva.
Mitãnguéra ha adulto mayor kuéra ha’e umi oñanduve umi ara haku. Upéa ramo, ndosẽi arã hikuái okape, ha ikatu ramo, oipuru arã aire acondicionado.
Anike reipuru ao ipytũva, ha ejahu manterei emboguejy hag̃ua nde tete temperatura. Umi mitãnguéra ha mitãra’y kuéra jajesareko arã hesekuéra, ñame’ẽ chupekuéra y ha ñamoĩ peteĩ tenda ho’ysãme.
Avei, anike reheja mitãnguérape térã mymba kuérape peteĩ auto ojehejáva kuarahy guýpe oñembotývape.
Reguereko ramo calambre, ty’ái, akãrasy, kangyreko, pire morotĩ ha ro’ysã, pulso ipya’éva térã ikangýva, py’ajere, vómito ha desmayo, reho arã pya’e tasyópe hi’aguĩvéva.
Oikóramo ko’ã ambue tapicháre, regueraha arã chupe pya’e peteĩ tenda ho’ysãvévape ha emboguejy itemperatura emoívo paño ro’ysã térã ejahu chupe y ro’ysãme.
