Ko lunes oútava oñepyrũta ojekobra beneficio social ha salario ko jasy rehegua, he’iháicha Ministerio de Economía y Finanzas (MEF). Kóva oikóta viernes 27 peve.
Lunes-pe okobráta hína veterano Guerra del Chaco ha pensionado kuéra, ha martes 24 katu okobráta umi jubilado Caja Fiscal rehegua.
Umi mba’apohára administrativo ha salud pública rehegua okobráta miércoles 25-pe, hakatu mba’apohára fuerza pública, poder judicial ha gobernación kuéra okobráta jueves.
Viernes 27-pe okobráta umi mbo’ehára ha mba’apohára Ministerio de Educación y Ciencias rehegua, ha avei universidad nacional ñane retã pukukuépe.
MEF oporomandu’ase umi pago ojejapo Solicitud de Transferencia de Recursos, umi Organismos y Entidades del Estado (OEE) ojehechaukáicha.
