2.266 ñati’ũ tenda oñemopotĩ kuri táva Areguápe tetãvore Central-re, ojehecha rire umi tenda oĩva 54 cuadra-pe upérupi.
Ko tembiapo ojejapo kuri Santo Domingo, San Miguel ha San Roque avarekohápe. Omba’apo oñondive Servicio Nacional de Erradicación del Paludismo (Senepa), municipalidad Areguágua, upe tasyo pe távagui ha umi tavayguakuéra oipytyvõsevéa.
Ministerio de Salud oikuaaka kuri 75% umi ñati’ũ tenda oiko umi mba’e ndoikovéma rupi, ha’eháicha neumático ndojeipuruvéima, votélla, láta ha ambue y mba’yru ha’e 20%, hakatu umi tenda natural-va ha’e 5%.
Ojerure avei hikuái tapichakuérape ani toheja y toñembyaty, ha’e tuichave mba’e ikatu rojapo rombohovái hag̃ua Aedes aegypti ha imba’asykuéra.
