Agencia IP.- Ministerio de Desarrollo Social (MDS) oporomandu’a ko’ág̃a Tekoporã Mbareté ojekobra tarjeta de débito ha ventanilla BNF-pe añónte rupi. Umi billetera electrónica telefonía rehegua ojeipuruva’ekue, ndojeipuruvéima ko’ág̃a.
Ko marandu oje’e jey oporomandu’a hag̃ua umi tapicha ohecháva marandu ndaha’éiva oñeha’ãva ombotavy hag̃ua chupekuéra.
Upéicha, MDS ojerure ani repena umi marandu ojeruréva oñembova pe modalidad de pago, tarjeta de débito ha ambue mba’e oñeme’ẽva gua’u ojekobra hag̃ua. Ko’ã ijapu.
Ko’ág̃a peve, 97% tapichakuéra okobra hína tarjeta de débito rupi, hakatu 3% añónte okobra umi ventanilla-pe BNF rehegua.
MDS ojerure umi tapicha okobráva Tekoporã Mbareté toma’ẽ umi marandu añetéva, oĩva ipágina web original-pe, ha’éva www.mds.gov.py. Ikatu avei oñehenói 021- 729 5100 int. 1012, 1026, 1034/35, 1041 ha 1046. Umi mba’apohára MDS rehegua oñatendéta upépe ha ombohováita umi porandu ojeguerekóva.
Avei, umi tapicha ohoséva upépe, ikatu oho Mariscal López ha Cnel. Pampliega ári, lunes guive viernes peve, 07:30 aravo guive 15:30 aravo peve.
Ministerio de Desarrollo Social (MDS) he’i jey Tekoporã Mbareté umi trámite ojejapóva ndojepagái, ha ojerure ani oñeme’ẽ mba’eve umi tapicha ojerureséva viru ojejapo hag̃ua umi tembiapo upe institución-pe.
