Agencia IP.- Luque tasyópe oñeme’ẽ kuri peteĩ carga tuicháva pohã rehegua, ikatu hag̃uaicha oñeñangareko porãve umi tapicha hasýva. Upévare, pe farmacia oñemyenyhẽ jey peteĩ lote ohupytýva 1.253.875.950 guaraní.
Moakãhára Luque tasyógui, Dr. Luis Verón, he’i kuri «ko’ã mba’e ojejapóva rupi oñemombaretéra ambue área, ha’eháicha cirugía ha obstetricia», péicha he’i marandu Ministerio de Salud Pública-gui.
Pohã jeguereko manterei oipytyvõ hetáta oñeñangareko hag̃ua tesãi umi tapichakuérare, oñembohovái hag̃ua ambue mba’asy, avei ojejapo hag̃ua umi procedimiento médico ha ambue servicio ko tasyópe.
Upéicha, mitãnguéra ha umi okakuaáva ikatúma oñepyrũ pya’eve itratamiento. Umi pohã oñeme’ẽva ha’e antibiótico, antiinflamatorio oñepohano hag̃ua mba’asy respiratorio ha hipertensivo, ha ambue tembiporu oñeikotevẽvéva procedimiento quirúrgico-rã.
