Oñeme’ẽ kuri 22 óga pyahu tapichakuéra oikóva Yaguarónpe, tetãvore Paraguarípe. Kóva ojejapo Fondo Nacional de la Vivienda Social (Fonavis) rupi, ha oñeinverti G. 2.082.167.725.
Ko óga ñeme’ẽ oiko kuehe, ha oime kuri Urbanismo, Vivienda y Hábitat Motenondehára, Juan Carlos Baruja, ha avei ambue tendota departamental ha municipal.
«Roju romoguahẽ hag̃ua llave ko’ã 22 óga ikatu hag̃uaicha upéi ko’ã tapicha oike ha ovy’a hikuái. Ko’ã óga oñemohu’ãma ha ojeverifika, vy’a chéve g̃uarã aime ko árape ha amoirũ peẽme ko ára tuichápe», omomba’e guasu Baruja.
Ko’ã óga ñemopu’ã oñemotenonde Fondo Nacional de Vivienda Social (Fonavis) rupi, péva inversión total ha’e Gs. 2.082.167.725, recurso omoheñóiva revitalización economía local ha omoñepyrũ tembiapo pyahúvaumi oikóva upérupipe g̃uarã.
Ko’ã óga oreko mokõi koty, sala de estar, kosína ha peteĩ tenda ojekaru hag̃ua, koty jahuha ha lavadero externo, oñemopu’ãva material cerámico ojejapóva ñane retãme.
Oñeme’ẽvo óga iporãva ha’e peteĩ ñemotenonde Mburuvichavetẽ Santiago Peña-pe g̃uarã, omoñe’ẽme’ẽtee umi ogayguakuéra ñane retãme oiko porãve.
