Agencia IP.- Ministerio de Salud Pública he’i oñemoporãve hína pe acceso ojejapo hag̃ua tratamiento oncológico ñane retãme. Ko’ág̃a umi hasýva ha oikotevẽva ikatúma ogueraha mbohapy pohã hepyetereíva, ha’éva Abemaciclib, Nivolumab ha Ipilimumab. Yma, ko’ã pohã ikatu oñeme’ẽ amparo judicial rupive añoite.
Abemaciclib, Nivolumab ha Ipilimumab ikatúma ojegueraha barrera legal’ỹme yma ombopukukue proceso. Ko mba’e oñepyrũva tuicha mba’e umi hasývape g̃uarã, ikatúma oñemopohano hikuái pya’eve ha porãve.
Ko’ã pohã oĩta ojegueraha hag̃ua Instituto Nacional del Cáncer-pe, ha avei ambue centro oncológico-pe ha’éva Ministerio de Salud rehegua.
He’i avei hikuái omba’apovetaha oipytyvõ porãve ñande tapichakuéra hasýva cáncer-gui, ikatu hag̃uaicha ko’ãichagua mba’e ohupytyve umi oikotevẽvéva.
