Tendota Atención Integral a la Salud rehegua, Santiago García, he’i umi tendota ha kuéra Tesãi ha Teko Porãve Motenondeha (Mspbs) guáva ha umi moakãhára ambue tasyóre omba’apo oñondive oma’ẽ hag̃ua umi tenda, ikatu hag̃uaicha oikuaa mba’épa oñeikotevẽ ha omoporãve hag̃ua umía.
Ko’ã ára ohasávape, Motenondehára María Teresa Barán ha ambue tendota kuéra oho opaichagua tasyópe área metropolitana-gua, ikatu hag̃uaicha oho omaña mba’éichapa oiko hikúai. He’i avei Tesãi ha Teko Porãve Motenondeha (Mspbs) omba’apo hína omoporãve hag̃ua umi mba’e tapicha hasýva oikotevẽ.
Tendota García oho kuri umi tasyópe táva Limpio, San Lorenzo ha Ñemby-pe opytáva, ha oñemongeta umi pohanohára ha tapicha hasýva kuéra ndive. “Rohecha umi mba’e oñeikotevẽva ha mba’épa ikatu jajapo ikatu hag̃uaicha umi tapicha hasýva ndoha’arõi hetaiterei”, he’i oñe’ẽrõ guare Paraguay TV ndive.
Upéicha, he’i consultorio nocturno-pe oreko hikuái clínica médica, cirugía, pediatría ha ginecología 18:00 aravo guive 21:00 aravo guive, 32 tasyópe ñane retã pukukuépe.
Ko’ã tembiapo ojejapo ojetopa pya’e hag̃ua myatyrõ ha toñemongeta avei umi pohãnohára ndive.
Tendota García he’i avei omba’apo oñondive hikuái ambue institución ndive, ha’eháicha Tetã Ñangareko Motenondeha (MDN) ikatu hag̃uaicha oipytyvõ avei hikuái umi cirugía ojejapo va’erã, ha umi fuerzas armadas ikatu ogueraha tasyópe umi tapicha hasýva oikóva mombyry.
