Agencia IP.- Entidad Binacional Yacyretá (EBY) oñepyrũ bono ñeme’ẽ umi ogayguakuérarã oikóva conjunto habitacional táva Encarnación ha ambue táva Itapúa-pe g̃uarã.
Ko arýpe ohupytýta hína 8.000 ogayguakuéra. Peteĩteĩ oñeme’ẽta G. 300.000, ha’éva mbohapy bono G. 100.000 repy. Ko bono rupi, oñeipytyvõse chupekuéra ojogua hag̃ua hembi’urã umi arete ary pahápe g̃uarã.
Ko’ã bono oipytyvõiterei hína ojejogua pérupi, ha viru opyta upépe. Umi ticket kuéra oñeme’ẽva oñembohasa arã umi tenda ojeautorisáva, ikatúva ha’e pe feria municipal “La Placita”-pe ha ambue tenda ag̃uíva táva Encarnación-pe, térã ambue avarekoha oikóva umi ogayguakuéra.
Ko pytyvõ ha’e umi ogayguakuéra Yacyretá ojegueraha va’ekue ambue tendápe, ha’eháicha conjunto habitacional urbano térã asentamiento rural kuérape, táva San Cosme y San Damián, Coronel Bogado, Carmen del Paraná, Cambyretá, Encarnación ha San Juan del Paraná-pe.
Ko tembiapo omboguata hína Lic. Alba Forcadell, momba’apohára Área Reasentamiento-gua, ha Lilian Martínez de Krohn, omba’apóva Coordinación Social-pe.
Ko’ã bono oñeme’ẽ hína 08:30 guive 13:00 peve, umi tenda oñemopyendáva peteĩteĩ avarekoha g̃uarã. Oñepyrũma oñeme’ẽ kuehe, ha ombojoapýta 19 de diciembre peve.
Ko programa bonificación EBY rehegua ha’e peteĩ ñe’ẽme’ẽ ojeguerekóva umi avarekoha oñembohasáva ambue tendápe upe jave ndive, omomba’eguasúva binacional.
