Taste Atlas héra hína peteĩ guía culinaria he’íva pe vorí vorí ñane retãme rehegua ha’e pe káldo hevéa yvy áripe ary 2023-pe.
Momarandúpe guía culinaria rehegua he’i vorí vorí ha’e hína peteĩ káldo ojejapóva so’óre térã ryguasúre, avati ku’i, kesu, ha ka’avo ikatúva ha’e sanaoria, apio ha sebói. Avei, ikatu oñemoĩ chupe laurel, clavo ha perejil.
Vorí vorí oje’uve araro’ýpe, téra avei oje’u arahakúpe. Oje’e iporãha ojeservi haku, oñembojehe’a perejil térã orégano ha omoirũva kesu parmesano. Pe sopa oguereko hetaiterei nutriente ha oĩ heta variedad, ha’eháicha pe ojejapóva ryguasu pehẽngue oñemoĩva’ekue parrilla áripe.
